Na Avenida Castelao, en Coia, o Circo de Nadal combina números clásicos de circo con elementos teatrais, música en directo e unha posta en escena de gran formato. A sinopse de Viaxe a Polaris, o espectáculo deste ano está centrada na busca da luz e na recuperación da esperanza e busca conectar co público a través da fantasía e dos valores tradicionais do Nadal.

A historia xira arredor de Joana, unha nena que emprende unha viaxe ao Reino de Polaris para recuperar a luz da estrela polar, roubada por forzas descoñecidas. Ao longo da aventura, a protagonista contará coa axuda de elfos, fadas e bonecos de neve, nun percorrido que combina acrobacias, humor e escenas .

A produción mestura os números tradicionais de pallasos, malabaristas e acrobacias aéreas con recursos escénicos propios máis contemporáneas. Teatro, danza e música en directo intégranse nunha proposta que destaca pola coidada iluminación, o deseño de son, o vestiario e unha escenografía que pretende envolver o público nun universo invernal e luminoso.