Cine familiar 'Los pingüinos de Madagascar'

Co título ‘Nadal voador: voa coas aves mariñas do Parque’, o Parque Nacional Marítimo Terrestre das Illas Atlánticas invita á cidadanía a participar nunha serie de actividades cuxo nexo común son as aves, especificamente as aves mariñas.

Deste xeito dende o 23 de decembro ata o 7 de xaneiro, hai programadas distintas actividades que se realizarán no centro de visitantes do parque nacional (rúa Palma, 4 no casco vello de Vigo). As actividades son todas de balde.

‘Los pingüinos de Madagascar’
Spin-off de ‘Madagascar’ protagonizado polos pingüíns da illa. As máis divertidas aves encubertas do mundo da espionaxe: Capitán, Kowalski, Rico e Soldado. Son a elite da elite e xuntos unen as súas forzas a unha elegante organización encuberta chamada Vento Norte, liderada polo aposto e musculoso Axente Clasificado. Entre todos deben evitar que o vilán Dr. Octavio Salitre destrúa o mundo tal e como o coñecemos.

Martes 3 ás 17:00

PROGRAMACIÓN

• Venres 23: Obradoiro ‘Aves de cartón’
• Martes 27: Cine familiar ‘Ploey: Nunca volarás solo’
• Venres 30: Contacontos ‘Oh Oh! temos un problema‘
• Martes 3: Cine familiar ‘Los pingüinos de Madagascar’
• Mércores 4: Contacontos ‘Martiño, o corvo mariño’
• Xoves 5: Obradoiro de decoración de galletas