Na Alianza Francesa de Vigo presentan unha nova actividade: le Ciné-Débat.
Cada mes, a Alianza Francesa de Vigo organizará un cine-debate: tras a proxección dunha película francófona, abrirase un espazo de intercambio ameno en torno aos temas da película.

Para esta primeira sesión proxectarán a película “Toni, en famille” e, despois da proxección, celebrarase un debate aberto en francés e en español para comentar a historia, os personaxes e os temas que aborda a película. Este Ciné-Débat está aberto a adolescentes a partir de 13 anos e a persoas adultas.