O Cineclube Lumière celebra o seu XXXIII aniversario co ciclo Xenio e Inxenios, unha selección de filmes europeos nos que o humor é o fío condutor. Esta primeira sesión estará dedicada ao cinema español. O título da película manterase en segredo e, como é tradición no cineclube, o público poderá abandonar a sesión durante os primeiros 15 minutos se a proposta non é do seu interese.