O Cineclube Lumière continúa a celebración do seu XXXIII aniversario co ciclo Xenio e Inxenios, unha selección de filmes europeos nos que o humor é o fío condutor. Nesta ocasión, a sesión estará dedicada ao cinema do Reino Unido, cunha película sorpresa que permitirá descubrir novas miradas sobre a comedia e a condición humana.

Fiel á filosofía do cineclube, o título do filme permanecerá en segredo ata o inicio da proxección. Ademais, o público poderá abandonar a sala durante os primeiros 15 minutos se a proposta non é do seu agrado.