Desde o Ateneo Atlántico están a organizar un ciclo de charlas para achegarse á idea do “decrecemento”, un debate aberto hai algún tempo entorno á limitación dos recursos naturais e como nos afecta no noso día a día.

Agora que o tema das enerxías renovables está tan moda e a axenda verde tan estendida, é importante entender as implicacións que teñen.

Para falar de todo isto o Post-Growth Innovation Lab da Universidade de Vigo, ECOBAS (centro de investigación interuniversitario de Galicia), a Rede do Decrecemento e o Ateneo Atlántico xuntan recursos e propoñen as seguintes sesións para os martes de marzo:
•    7 de marzo => Que é o decrecemento e por que é necesario? 
•    14 de marzo => Limitacións das enerxías alternativas e condicionamento do futuro industrial
•    21 de marzo => Vantaxes e inconvenientes da economía circular

Todas elas serán na Facultade de Comercio (Rúa Torrecedeira 105)  ás 19:00h. A entrada por suposto é aberta e para todos os públicos.