O programa cultural Conexións regresa este xoves ao Mercado do Calvario cunha proposta que combina música e baile tradicional galego. A actuación correrá a cargo de Pelica de Can, formación integrada por Ernesto Campos, Leni Pérez e Marcos Campos, que ofrecerán un repertorio inspirado na tradición popular galega acompañado de danza en directo.

A iniciativa forma parte do programa impulsado pola Fundación Mayeusis para achegar a cultura aos espazos cotiáns da cidade a través de actuacións gratuítas ao aire libre.