O Paseo de Alfonso volverá converterse este sábado, 27 de xuño, nun grande escenario ó aire libre -sempre que o tempo acompañe- grazas a unha nova xornada de Conexións. A primeira cita será ás 12.30 horas co Concerto
Conexións Voz, mentres que pola tarde, ás 19.30 horas, será a quenda de SICIXIA.
A voz e a música moderna serán as grandes protagonistas dunha proposta que encherá de música un dos espazos máis emblemáticos da cidade, dúas actuacións coordinadas e dirixidas artisticamente por Isidro Betancourt.
O programa cultural, impulsado pola Fundación Mayeusis en colaboración co Concello de Vigo, reafirma a súa vocación de achegar a cultura ós espazos públicos e facer da música unha experiencia accesible, aberta e gratuíta para toda a cidadanía.