A programación cultural Conexións continúa enchendo Vigo de música e propostas ao aire libre cunha nova cita este martes, onde o grupo Pelica de Can protagonizará unha actuación centrada na música tradicional galega. A formación, integrada por Ernesto Campos, Leni Pérez e Marcos Campos, estará acompañada por dous bailaríns que achegarán movemento a un espectáculo pensado para combinar son, danza e tradición.

O repertorio incluirá pezas populares como Xota Pelica ou Costureiriña, nunha proposta que forma parte do programa impulsado pola Fundación Mayeusis coa colaboración do Concello de Vigo. A iniciativa busca levar a cultura ao espazo público con actividades gratuítas e achegar diferentes expresións artísticas ao día a día da cidade.