O programa cultural Conexións trasladará a música folk e a danza tradicional áa un escenario ao aire libre no corazón da cidade. O público poderá desfrutar da actuación de Pelica de Can, formación integrada por Ernesto Campos, Leni Pérez e Marcos Campos, acompañados por dous bailaríns.

A proposta combinará música e danza tradicional cun repertorio de pezas populares como Xota Pelica ou Costureiriña, dentro dunha nova edición de Conexións que continúa apostando por achegar as artes escénicas e a música a novos públicos e espazos urbanos.