Presentación do cómic Chico!, de Pablo Carreiro, en Banda Deseñada.

Sobre o libro

A Berto pásanlle cousas. Cousas que poderían pasarlle a calquera. Cumpre máis de vinte e cinco, ten un traballo modesto, é abertamente gai, ten bo humor polas mañás e vai tirando. Ás veces o seu futuro desconcértalle e outras se envalentona á hora de afrontalo. Introvertido, pero non moito, melancólico e ás veces deslenguado. En ocasións, conta historias para si mesmo e outras veces simplemente víveas. Podes descubrilas en CHICO!

CHICO! é unha colección de tiras autoconclusivas que comparten o amor polo cotián, o día a día, dun mozo corrente. Historias habituais que conectan coas emocións que calquera pode sentir na súa vida diaria.