Acóllese a presentación dun novo proxecto musical que explora o tango e outros ritmos do Río da Prata. Formada por músicos arxentinos, uruguaios e galegos, a banda combina composicións propias con clásicos de figuras como Carlos Gardel ou Aníbal Troilo, ofrecendo un percorrido pola tradición tanguera desde unha perspectiva contemporánea.

O cuarteto está integrado por Frans Banfield (voz), Juanma Ons e Guillermo Gagliardi (guitarras) e Juan Santomé (contrabaixo), músicos vinculados a formacións como Phantom Club, Soul Jacket ou Blackstereo.