Festival Agarima

A cidade de Vigo acolle a segunda edición de Agarima, un festival de cinema nacido da necesidade dun espazo onde presentar e proxectar proxectos audiovisuais xerados nas escolas de cinema galegas, centros formativos audiovisuais ou como ópera prima de novos directores.

Organizado polos colectivos galegos Nidara Studio e Ondamar Films, Agarima pretende converterse nun referente dentro do panorama audiovisual galego, tecendo unha rede entre artistas emerxentes da zona. Tras o éxito acadado na súa primeira edición, contando con máis dun centenar de asistentes no Teatro Principal de Pontevedra, os creadores, Manu Sacoga e Eva Vaeli, deciden traer o festival á súa cidade, Vigo. O evento celébrase a tarde do venres, 7 de marzo, na Sala Ártika entre as 16:00 e as 21:00 h.

Os graduados en Comunicación Audiovisual e Belas Artes pretenden funcionar como un escaparate que, anualmente, mostre o talento que hai na universidade e centros formativos da nosa terra, dando visibilidade a un gran descoñecido: o cinema galego xove.

A programación completa é a seguinte:

Sección non competitiva:

• Non sinto a forma (Óscar Silva)
• Senda Estrela (Manu Sacoga e Eva Vaeli)

Sección kaleidoscopio (non ficción):

• Muiño d’abaixo (Cris Souto)
• .jpeg (Anxo González)
• A mirada delas (Clara Maseda)
• Teño que aprender a chorar de novo (Dani Iglesias)

Sección cometa (ficción):

• Gralla (Rebeca Tella e Daniel Filloy)
• Aracne (Dani Iglesias)
• May You Live to See the Dawn (Patricia Lleras e Ramón Martínez)
• Trastos (Javier Blanco)

Sección asubío (videoclip):

• Bordeaux (Sara Gimeno)
• Mario crush (Ash Diz)
• Y (Toño Blanco)
• Shapeshifting (Elena F. Díaz e Vanessa Parente)
• Todas las cosas bonitas (Marcos Herrera)
• Mushishi (Óscar Silva)

ENTRADAS AQUÍ