O CC Gran Vía celebra o musical “Charlie y la Fábrica de Reciclaje” o vindeiro sábado 9 de marzo ás 18:00 h na Planta 0 e promete ser unha experiencia inesquecible para todas as idades.

“Charlie y la Fábrica de Reciclaje” non é só un espectáculo de entretemento; é unha iniciativa que busca concienciar sobre a importancia da reciclaxe e a adopción de hábitos de alimentación saudables. Este musical pretende inspirar ás familias para tomar accións positivas polo medio ambiente e o seu benestar.

O Centro Comercial Gran Vía de Vigo ofrece a entrada completamente gratuíta, pero aquelas familias interesadas en gozar do espectáculo desde unha localización privilexiada, poden inscribirse ata o 6 de marzo a través da APP do “Club dos Disfrutones” para acceder á zona de cadeiras. De todas as persoas rexistradas, 18 afortunadas serán premiadas con 3 entradas para gozar do show de preto.

Ademais, nunha iniciativa para fomentar a conexión coa natureza e a importancia da actividade física, o Centro Comercial sorteará unha experiencia familiar para 4 persoas en Pena Aventura Park, valorada en 1.500 €, entre todos os asistentes que se haxan inscritos previamente e estean presentes durante o evento. A persoa gañadora será anunciada despois do espectáculo. É imprescindible que o gañador estea presente para reclamar o seu premio no momento do anuncio.