Asotrame e Saúdesport levan a Vigo unha nova edición de Coidar-me!, un proxecto divulgativo centrado na promoción de hábitos saudables e no autocoidado emocional. A iniciativa será impartida pola educadora social Laura Bueno e a nutricionista Raquel Lucio. Durante a charla abordaranse cuestións como os distintos tipos de fame, a alimentación consciente, a relación entre nutrición e estrés, ou estratexias prácticas para xestionar a ansiedade e mellorar o benestar integral.