Charlas abertas: Laura Iturralde + Din Matamoro

No mes de setembro, a asociación Évame Oroza organiza un ciclo de charlas multidisciplinares que permitirán ao público achegarse ao traballo de artistas de diferentes disciplinas.

O ciclo comezou o venres 13 de setembro e estendeuse ao longo de tres venres en sesións temáticas organizadas arredor do cine, a arte urbana e o traballo coa luz.

Este venres 27 de setembro terá lugar, no local de Évame Oroza, a terceira e última sesión do ciclo Charlas Abertas, patrocinado pola Deputación de Pontevedra, no participan artistas de diferentes disciplinas, os cales conversan en torno a un tema, con María Lado como moderadora. Neste encontro contaremos coa iluminadora Laura Iturralde e o pintor Din Matamoro, ambos unidos, en palabras da organización “polo traballo coa luz e a sensibilidade visual que demostran nas súas creacións”. Entrada libre ata completar aforo.

Entrada libre ata completar aforo!