Este venres 21 de marzo, a asociación feminista viguesa As Silveiras organiza unha charla debate con Lupe Ces baixo o título Recuperemos a axenda feminista. Lupe Ces, mestra xubilada, conta cunha dilatada experiencia no activismo feminista: co-fundadora de Mulheres Nacionalistas Galegas (MNG), na que traballa actualmente, e impulsora da Marcha Mundial das Mulleres a principios deste século, representou a Galicia nas accións internacionais organizadas ante a ONU, o Banco Mundial e o Fondo Monetario Internacional nas cidades de Nova York e Washington.