O xoves 20 de novembro, ás 20:00 horas, o músico, artista sonoro, compositor e produtor Mig Seoane  achéganos nunha conferencia ao mundo da música improvisada dirixida, facendo unha introdución, apta para todos os públicos. As formacións de música improvisada dirixida mediante sinais, tiveron nos últimos anos unha forte representación no panorama musical galego, que acolleu proxectos como O.M.E.Ga (Orquestra de Música Espontánea de Galicia) ou Metamovida, hoxe xa extintas, ou outros aínda en funcionamento. A entrada é libre ata completar aforo.