La Fábrica de Chocolate organiza un concerto de Chaos International, xunto a Alan Harman.

Chaos International é o proxecto de minimal/cold wave do británico Vincenzo Wierczerzyński. Debutou o pasado 2024 cun EP e o single Future Now, tras coproducir un tema de Lebanon Hanover. Estivo de xira por Europa e Sudamérica, participando en festivais como Waveteef. A súa música, creada en directo con modulares e caixas de ritmos, combina improvisación e melodías nostálxicas do synth dos anos oitenta.

Pola súa parte, Alan Harman é un artista canadense de cold wave, recoñecido polo seu son escuro e o seu enfoque de gravación en vivo e completamente analóxico. Orixinario dun pequeno pobo marcado pola radiación, atopou nos sintetizadores o seu propósito. Compartiu escenario con nomes como Kontravoid ou Xeno & Oaklander.