O Museo do Mar de Galicia acolle o concerto da cantante, guitarrista e compositora brasileira Ceumar, cunha participación especial de Uxía. 

Ceumar convida a unha viaxe sonora que une o folclore da súa Minas Gerais natal coas influencias do pop, o jazz e a samba. Cunha traxectoria de case tres décadas, a súa música destaca pola delicadeza, a poesía e un estilo propio que transita entre o popular e o contemporáneo.