Este evento nace co obxectivo de crear un espazo libre, diverso e seguro para compartir palabra e escoita. A proposta está aberta a todas as persoas interesadas en participar: basta con acudir á cita para formar parte do recital.

O formato é o dun micro aberto, cun tempo estimado de cinco minutos por persoa para recitar ou ler textos propios ou alleos. A única norma establecida pola organización é o respecto ás demais persoas participantes e ao público asistente. Non se tolerarán comentarios nin intervencións de carácter misóxino, tránsfobo, homófobo ou racista, garantindo así un ambiente inclusivo e seguro.

A iniciativa consolídase como un punto de encontro para amantes da poesía e da palabra falada, apostando pola creación contemporánea e pola participación aberta.