Centenario RC Celta: Keltoi! e Dakidarría

O RC Celta organiza actividades no exterior de Balaídos como previa ao partido contra o Real Madrid e para festexar o seu 100 aniversario.

As actividades comezarán na contorna do estadio a primeira hora da tarde con animación infantil, pintacaras, animadores, zancudos, globoflexia….

Despois os seguidores celestes poderán gozar do concerto de dúas das bandas de referencia para o celtismo: Keltoi! e Dakidarría.

Antes do partido, o autobús do equipo chegará a Balaídos para saudar aos afeccionados.

Xa no interior de Abanca Balaídos, todos os celtistas poderán gozar do himno do Centenario co despregamento dun tifo para a ocasión e a estrea dun show de luces que irá ao son da composición de C. Tangana.

O partido comezará ás 21:30h