Caspervek 'Berlín, Sinfonía dunha Cidade'

Caspervek, banda viguesa adicada á composición de bandas sonoras de cine mudo continúa a súa programación anual na cidade de Vigo con unha sesión nos xardíns da Fundación Sales o próximo 22 de Maio. Tras as sesións celebradas na sala MUTA nos meses de Marzo e Abril, o ciclo trasládase ó xardín botánico ata o mes de Setembro para ofrecer sesións de cine ó aire libre. A película que abrirá esta tempada de cine-concertos na Fundación será “Berlín, Sinfonía dunha Cidade”, obra clásica do cinema experimental alemán.