Caspervek

Unha das mellores películas de todos os tempos chega a Vigo co acompañamento musical de Caspervek. Será o sábado 2 de abril ás 19:30h en MUTA.

Considerada por moitos críticos como ‘a mellor película da era muda’, ‘Amanecer’ é unha peza fundamental da filmografía de F. W. Murnau. Caspervek, volve a ofrecer este clásico en Vigo cunha banda sonora completamente nova nunha formación de cuarteto que conta con Laura Lorenzo (flauta), Andra González (saxo), Blas Castañer (percusión) e Brais González (piano).