A cidade de Vigo prepárase para acoller, por primeira vez, unha carreira nocturna con luces de neón: a Holi Neon Life. O evento, que se celebrará na noite do 7 de xuño, ofrecerá máis de tres horas de festa nun ambiente cheo de luz, cor e enerxía.

Máis alá da carreira, os asistentes poderán gozar da música de DJ en directo e da animación do equipo de Holi Life, encargados tamén da organización. Unha experiencia única que converterá as rúas de Vigo nun espectáculo de brillos fluorescentes.

Ás 21:00 horas abriranse as portas do recinto, situado no recinto feiral. A saída da carreira será ás 22:00 horas, de forma que a escuridade xa haberá case caído e póidase gozar das cores neón, grazas á iluminación empregada para a ocasión.

Antes e despois dos 5 quilómetros será o momento da diversión cos lanzamentos de pos de cores neón e o resto de animacións. Entre as actividades inclúese a zona para pintarse de neón antes da carreira e realizar así o trazado en tons fluorescentes.

Neon Points

No percorrido os corredores cruzarán por catro zonas Neon Point, desde onde se lanzan po de neón ao paso dos participantes. O po neón está elaborado con fariña de millo e colorantes naturais, non é alérxico nin tóxico e o seu uso está aprobado pola CE.

Holi Life Neon é un evento apto para todos: familias, grupos de amigos ou mesmo vir acompañados de mascotas. A proba pode realizarse correndo ou andando, segundo a preparación de cada un. Non é unha carreira competitiva e o principal obxectivo é a diversión dos participantes.

Inscricións: AQUÍ