Exterior e gratuíto.

Carmen Rosende and the Burning Laikas chegan á Praza do Olivo cun directo cheo de personalidade. A banda de soul progresivo presenta unha ampla gama de texturas musicais construídas a partir de instrumentos orixinais dos anos 70.

Liderados pola voz magnética de Carmen Rosende, a súa proposta é altamente bailable, emocionante e cunha forte presenza escénica que converte cada concerto nunha experiencia intensa e próxima. Neste concerto en pleno corazón de Vigo, o grupo despregará o seu repertorio máis potente nun contorno único, convidando a todas e todos a gozar dunha noite de música ao vivo, alma e conexión colectiva.