A cantante viguesa, Carla Lourdes, encárgase de presentar, xunto á Merino, o Festival PortAmérica 2025. O sábado, 21 de xuño, ofrece un concerto no Fnac de Vigo, onde interpreta cancións do seu último álbum, El día que descubrí el lunar en tu oreja. Ademais, durante o evento sortearase, entre os asistentes, un abono VIP dobre + unha experiencia degustación no ShowRocking do festival.

O Festival PortAmérica, nado en 2012, é un evento que combina música, gastronomía e comunidade, conectando Europa con Latinoamérica. Celébrase anualmente na Azucreira de Portas, aínda que tamén tivo lugar en Nigrán (entre 2012 e 2016) e Caldas de Reis (entre 2017 e 2019). Non só destaca polo seu amplo cartel, mesturando diversos xéneros, senón tamén pola súa oferta gastronómica de alto nivel, coñecida como ShowRocking. Nesta décimo terceira edición, conta con artistas internacionais de renome como Emilia, Melendi, Love of Lesbian, Viva Suecia, Ca7riel & Paco e La La Love You.

Pola súa parte, El día que descubrí el lunar de tu oreja é unha serie de diarios persoais da artista relatados baixo a batuta dunha estrutura Pop pegadiza difuminada con toques de indie patrio e de retrousos coreables. O álbum deslízase canción a canción cunha voz doce sempre protagonista que explora rangos vocais máis agudos que poñen énfases nas partes máis bailes. O debut trata tamén o tema do amor e a procura da estabilidade no mesmo.

SOBRE CARLA LOURDES

Carla Lourdes comezou a compoñer aos 15 anos, aínda que non foi ata a idade de 24 cando se decidiu a compartir as súas cancións. En xuño de 2021 lanzou Sin instrucciones; un exitoso primeiro sinxelo que a situou na escena; en 2022, El querer de las flores, o seu primeiro EP, consagrouna como unha cantautora emerxente á que non debiamos perder a pista. Nestes tres últimos anos publicou ademais varios sinxelos que nos levaron a descubrir o seu aceno de identidade; unhas letras traballadas que actúan como espello, pois nelas recoñecémonos todos. Os temas que nos desbasten, que nos preocupan, que ás veces non somos capaces de sacar… Carla Lourdes consegue diseccionarlos e presentalos en forma de canción. Só podemos deixarnos levar e reproducir a súa música en bucle, sen pausa. A súa sonoridade pódenos lembrar a artistas como Yoly Saa, Elsa e Elmar, Natalia Lacunza, Zahara ou Ximena Sariñana.