Camiño a camiño: Sendeiro Local de Bembrive-Beade

‘Camiño a camiño‘ é o programa municipal que quere dar a coñecer o patrimonio natural, os miradoiros e espazos etnoarqueolóxicos do cinto verde da cidade incluídos nos montes, parques forestais e sendeiros locais. Este programa tamén inclúe 7 paseos interpretativos polos sendeiros locais. Os paseos teñen unha duración aproximada de 3 horas e establécense distintos niveis de dificultade para que poida participar todo tipo de público. Ao final dos percorridos, haberá actuacións musicais e de baile tradicional.

Sendeiro Local de Bembrive-Beade
A terceira ruta do ‘Camiño a camiño’ é polo sendeiro local de Bembrive-Beade o domingo 23 de maio entre as 9:30 e as 13:30. O punto de encontro será na A.R. do Pouso, en Bembrive, e as actuacións de Queixumes e Beade Pandereteiras.

Inscrición previa a través do teléfono de información municipal 010 ou no 986810260, aberta desde o luns previo á actividade. Toda a información dispoñible en caminoacamino.blogspot.com.

PROGRAMACIÓN

• Domingo 9 de maio: Sendeiro local de Candeán
• Domingo 16 de maio: Sendeiro local de Cabral
• Domingo 23 de maio: Sendeiro local de Bembrive-Beade
• Domingo 30 de maio: Sendeiro local de Zamáns
• Domingo 6 de xuño: Sendeiro local de Valadares
• Domingo 13 de xuño: Sendeiro local de Coruxo
• Domingo 20 de xuño: Sendeiro local de Oia e Saiáns