O Centro Comercial Camelias vístese de gala para acoller nova edición do Camelias Fashion Day, un evento que combina estilo, música e entretemento. A cita terá lugar o sábado 18 de outubro, de 18:00 a 20:00 horas, na Planta Alta do centro comercial.

Durante a tarde, o público poderá gozar dun desfile coas últimas tendencias en roupa e complementos das tendas de Camelias. A pasarela estará acompañada por actuacións en directo de baile, un concerto de piano, un espectáculo de maxia e mesmo un pase especial de noivas, con propostas únicas para ese día tan especial. Ademais, haberá sorteos e agasallos que completarán unha experiencia pensada para todos os públicos.