O novo espectáculo de Budiño para este 2026, baseado no seu último traballo discográfico, ‘Blanca Vela’, apóiase nunha posta en escena innovadora e nunha coidada produción audiovisual coa que o artista promete un concerto inesquecible, cheo de momentos imprescindibles para os amantes da música de raíz e das propostas que desafían fronteiras.

Con este novo show, Budiño transporta ao público ao seu propio universo musical canda unha banda de novos talentos, amosando en directo a solidez de dúas décadas de traballo cun son propio e único onde se entrelazan a percusión tradicional e a electrónica orgánica. A proposta reflicte unha viaxe íntima polos sons clásicos do artista, combinando tradición, modernidade e unha identidade sonora inconfundible. Este espectáculo marca un novo capítulo na traxectoria dun dos músicos máis destacados da escena galega e internacional, quen soubo evolucionar a súa arte sen perder a esencia das súas raíces. ‘Blanca Vela’ preséntase como unha homenaxe á busca constante de novos percorridos sonoros e como un reflexo do espírito inquieto e creativo de Budiño.

Entradas