O venres 21 de abril Vigo Ciclábel sae á rúa cunha nova bicicletada por mor do Día da Terra.

A bicicletada sairá desde o Olivo do Paseo de Alfonso XII ás 19:30h e durará aproximadamente 1 hora e fará o seguinte percorrido: Paseo de Alfonso XII > Pi y Margall > López Mora > Praza Independencia > Camelias > Venezuela > Brasil > Fernando O Católico > Urzáiz > República Arxentina > Praza de Compostela

A Bicicletada pola Terra é un evento lúdico e reivindicativo, onde queremos poñer o foco en  cuestións relevantes para formentar a mobilidade activa na cidade de Vigo. Entendemos que a mobilidade activa é unha das solucións ante o actual contexto de cambio climático, e que permitirá acadar o balance de emisión cero de gases de efecto invernadoiro.