Unha das voces emerxentes máis activas e distinguidas do territorio –recentemente nomeada aos Premios ARC da Industria Musical do Directo 2024 na categoría Mejor gira de artista jazz/clásica/tradicional– xunto cun dos guitarristas máis consagrados do noso jazz –considerado pola revista europea Jazzfuel como un dos guitarristas de referencia actuais xunto a Peter Bernstein, Kurt Rosenwinkel, Lage Lund e Lionel Loueke, entre outros–; preséntannos unha velada sofisticada e hipnótica que parte da tradición jazzística, de raíz e popular, e viaxa pola canción transformándose en arranxos coidados e case camerísticos cunha sonoridade moi rica e persoal.