Unha mesa redonda dedicada á figura de Begoña Caamaño, unha das voces máis destacadas do xornalismo e da literatura galega contemporánea. O encontro abordará tanto a súa traxectoria profesional nos medios de comunicación como a súa obra literaria e o legado cultural que deixou tras o seu falecemento.

Na actividade participarán Bea Caamaño, irmá da autora; María Xosé Porteiro, amiga persoal de Caamaño e autora da súa biografía; e Camiño Noia, catedrática emérita da Universidade de Vigo e especialista na súa produción literaria.