Barry B regresa a Galicia con dous concertos moi especiais dentro da súa nova xira: “Infancia Mal Calibrada Tour”. O 6 de marzo subirá ao escenario da Sala Inn Club, e o 7 de marzo será a quenda da Sala Rouge, dúas noites para vivir en primeira persoa a intensidade e o pulso dun dos artistas máis singulares da nova escena musical en España. 🎤🔥

Parafraseando ao personaxe de Nick Hornby en Fiebre en las gradas, Barry B podería dicir que se namorou da música de súpeto, sen explicación, sen exercicio das súas facultades críticas. Como un hooligan. Desde aqueles días de adolescencia en Aranda de Duero, tocando en bandas locais e soñando cos reservados do Sonorama Ribera, ata o seu presente convertido en referente xeracional, a súa traxectoria estivo marcada pola ambición e pola aposta constante polo difícil.

A xira chega impulsada polo seu novo EP, dispoñible desde o 26 de setembro, que abre unha nova etapa na carreira do artista despois de conquistar os principais escenarios e medrar exponencialmente nos últimos meses. 🚀

Tras o éxito do seu primeiro disco, Chato, que o consolidou como unha das voces imprescindibles do panorama, Barry B regresa con cancións cargadas de guitarras, retrousos demoledores e a crudeza que caracteriza as súas letras e que xa son marca da casa. 🎸

Este lanzamento será tamén a brúxula dunha xira de longo percorrido que pasará por salas de toda España, cruzará o Atlántico cara a Latinoamérica e desembarcará nos principais festivais. En Galicia, o público terá a oportunidade de ser testemuña do comezo desta nova etapa en dúas citas que prometen ser inesquecibles.

🎟️ As entradas on-line están agotadas.