Despois do grande éxito do noso baile de Reis, traemos outra gran proposta para o día de San Valentín. O domingo 15 de febreiro celebramos un gran baile no noso auditorio co Grupo Armonía. Dende as 17:30 h non pararemos de bailar.

É de San Valentín, pero nesta proposta podes vir en parella, só, para todas as idades, en familia e con entrada libre para todo o mundo. Só queremos que a xente o goce, o pase moi ben e que non deixe de bailar. Ademais, como coincide co Entroido, quen queira pode vir disfrazado.