La Pecera acolle este sábado o directo de Áureas, un quinteto internacional de mulleres (Ailén Kendelman, Cris Márquez, Gloria Pérez, Isabel Mouzo e Valentina Alonso) que, baixo a dirección escénica de Areta Bolado, revive o espírito festivo das charangas dos anos 20. O espectáculo combina música tradicional galega, polaca, brasileira e arxentina con ritmos moi bailables para viaxar no tempo a través do ritmo e a diversión.