A Finca de San Roque volve acoller a XVII edición do certame musical Cancións dos Nosos Barrios coa participación de vinte grupos, entre o 29 de xullo e o 1 de agosto. Esta homenaxe aos barrios vigueses busca dar voz ás agrupacións locais que manteñen viva a nosa cultura e o noso folclore.

Este evento é gratuito e para todo o mundo, nun exercicio de memoria histórica que loita por manter a música folclórica viva. Adicado á colectividade, as bandas achegan a súa música de forma solidaria nunha mostra de compromiso coa cultura.

As actuacións serán cinco cada día e comezarán todas ás 18:30 h. Os primeiros en actuar hoxe son Garatuxa, Loureiro Verde, Montecelo, Tarxa e Arco da Vella. Mañá, Coto do Carballal, Mistura, Airiños do Mar de Teis, Bohemios e Amigos.

O emblemático espazo de San Roque, que alberga tantas das lembranzas que se enaltecen — como son os Cantos de Tabernas—  , comeza hoxe a reivindicar a necesidade de coidar e manter as nosas raíces. Unha celebración para non esquecer, festexando para conmemorar unha identidade colectiva.