Xornada sobre ARQUITECTURA ESCOLAR
MARCO, sala Galería A3 (planta baixa)
Xoves 4 de decembro ás 19.00
Entrada LIBRE ata completar capacidade

Un encontro para reflexionar e compartir experiencias e iniciativas relacionadas coa arquitectura e os espazos escolares, cun carácter divulgativo e coloquial.

Coa participación de: Manuel Martínez Carazo (presidente COAG Vigo), Abalo Alonso (Escola Infantil A Baiuca), Fermín Blanco (Asociación Ludantia), Muller Feijoo (Centro Galego de Innovación de Formación Profesional), Iglesias Veiga (Nova Arquitectura Pedagóxica), e Xosé Manuel Rosales (ProxectoTerra).

25 anos do ProxectoTERRA / Programación especial no MARCO

Nestas semanas continúa no MARCO, con gran éxito de participación, a programación especial que celebra o 25º Aniversario do ProxectoTERRA, que naceu no ano 2000 enmarcado nas iniciativas culturais do COAG Colexio Oficial de Arquitectos de Galicia, co obxectivo de promover na cidadanía un pensamento crítico e propositivo sobre os espazos e lugares que habitamos.

Espazo de Xogo Libre ARGALLAR (Asociación Ludantia)
MARCO, sala Galería B3 (1º andar)
Do 11 novembro ao 31 de decembro de 2025

Dende o martes 11 de novembro, unha das salas do MARCO acolle o Espazo de Xogo Libre ARGALLAR. Creado pola asociación Ludantia, ARGALLAR inclúe unha serie de módulos de construción concibidos como unidades de xogo.

A sala é accesible ao público (especialmente público infantil e familiar) polas tardes, no horario de apertura do Museo. As mañás dedícanse a grupos escolares de calquera idade e ciclo educativo, e cada visita compleméntase cun obradoiro dirixido por talleristas especializados no ámbito da educación pola arquitectura, en colaboración co personal de Didáctica do MARCO.

ESCOLARES: de martes a venres de 10.00 a 13.00
Cita previa comunicacion@marcovigo.com

PÚBLICO EN XERAL: entrada libre ata completar capacidade
De martes a sábados de 17.00 a 21.00. Domingos de 11.00 a 14.30

Avance OBRADOIROS NADAL ProxectoTERRA no MARCO

Cara ás semanas máis próximas a Nadal, e continuando coas actividades do ProxectoTerra, o MARCO acolle unha serie de talleres dirixidos a público infantil e familiar, conducidos por Cristina González Larriba, en colaboración co persoal de Didáctica do MARCO.

LABORATORIOS DE NADAL “ARGALLAR”
MARCO, Galería B3 e Espazo Anexo

Conducidos por Cristina González Larriba, en colaboración con Maria Xosé Martínez (Didáctica MARCO)

Datas: do 13 ao 31 de decembro de 2025

Horario: de 11.30 a 13.30

Talleres para público familiar

Para participantes a partir de 4 anos, acompañados de persoas adultas

4 sesións: sábado 13, sábado 20, venres 26 e sábado 27 de decembro

Talleres para público infantil

Para participantes entre 4 e 12 anos

4 sesións: martes 23 e 30; mércores 24 e 31 de decembro

Gratuíto. Prazas limitadas ata completar capacidade en cada sesión

Previa inscrición en taquilla MARCO

Tel. 986 113900 Ext. 200 / Correo-e: recepcion@marcovigo.com 

Apertura inscrición a partir do venres 5 de decembro