Ari Magritte

ARi Magritte é unha cantautora que creceu nestes últimos 10 anos no circuíto de salas de concertos da área metropolitana de Vigo. Oráculo é o seu primeiro traballo de longa duración, unha proposta fermosa, suave e intimista, gañador do premio Maketón 2022 ao Mellor Disco Autoeditado. Oráculo propicia unha posta en escena única e personalizada, onde as cancións funcionan como un verdadeiro oráculo que dá respostas, existenciais ou non, a quen asista a vivir este espectáculo.