As instalacións de Island Club acollerán o inicio do ano para o Ardora Club Series 001, un evento que unirá unha vez máis a talentos internacionais e locais. A xornada comezará cunha sesión ‘outdoor’ que irá aumentando a presión ata a chegada da noite. Nese momento, a programación trasladarase ao interior da sala para facer sentir os ‘beats’ máis profundos e contundentes do mellor ‘techno’.