Dous pases: 19:00 e 22:00

Ara Malikian actuará no Teatro Afundación presentando o seu último disco “ Petit Garage”.

O violinista presenta a súa nova xira Petit Garage, froito da anterior Royal Garage, detida pola pandemia e adaptada a aforos máis íntimos.

Desde os recintos máis grandes e espectaculares de todo o mundo ata os teatros de corte íntimo e persoal, Ara Malikian e o seu violín son capaces de encher cada recuncho de sensacións e emocións únicas. Son estes últimos espazos os que polas súas dimensións crean un ambiente máis acolledor con encanto e nostalxia. Un ambiente diferente que se traslada tamén á música eterna condutora de sentimentos e sensacións ao público.

Ara Malikian ao violín e Iván “Melón” Lewis ao piano serán os encargados de percorrer as diferentes cancións do novo disco desde un punto de vista máis clásico.