O concerto desenvolverase nun formato íntimo e próximo, combinando reinterpretacións da tradición musical galega con sonoridades actuais nun directo pensado para gozar da música en pequeno formato. A apertura de portas será ás 20:00 horas e a actuación comezará ás 21:30. A entrada será libre mediante sistema de taquilla inversa.

Antón Lago e Xan Pérez son dous músicos galegos vinculados á escena folk e á música de raíz contemporánea. Os seus directos adoitan partir da música popular e da tradición oral, combinando creacións instrumentais, improvisación e unha posta en escena moi próxima e festiva.