Anna Colom

Anna Colom presenta dentro do circuíto AIE artistas en roteiro, un repaso polos folclores e ritmos que influenciaron ao flamenco ao longo da historia. Un álbum con referencias que van desde a samba brasilera ao candombe uruguaio, desde o fandango veracruzano ao de Huelva. Un paseo pola guajira e o cabal, pola zamba arxentina e a soleá. Unha homenaxe a Cádiz desde as bulerías ás bamberas e cantes de randeeira. Unha mirada ao pasado a través dos cantes de traballo; temporeras, trillas flamencas e cantos camperos de Segovia e Estremadura. Unha sentida ofrenda a unha nai a través duns abandolaos lucentinos.