Multicines Norte acolle un pase especial do filme Antes de nós que contará coa presenza da directora Ángeles Huerta e os actores Xoán Fórneas e Cris Iglesias. A proxección é o venres 23 ás 19:30 h.

As entradas poden adquirirse na web do cine (enlace aquí).

Antes de nós é un biopic sobre Castelao dirixido por Ángeles Huerta, escrito por Pepe Coira e protagonizado por Xoán Fórneas, no papel de Castelao, e Cris Iglesias no da súa muller, Virxinia Pereira. O filme retrata ao pai do nacionalismo galego desde un punto de vista humano e centrado na relación coa súa muller a través de dous momentos vitais: En 1918, Castelao deixa o seu posto de funcionario para traballar como médico en Rianxo durante a gripe española. Un heroe para o pobo pero ausente para a súa muller. En 1929, a parella percorre Bretaña poucos meses despois da perda do seu único fillo.