Sunset Race Vialia, unha carreira de 8 quilómetros que terá lugar o sábado 5 de setembro ás 20:30 h. A cita, con saída e chegada no Centro Comercial Vialia Estación de Vigo, combina deporte, música, ambiente festivo e solidariedade nun percorrido urbano para desfrutar da cidade ao solpor.

Percorrido:
A carreira partirá de Vialia e percorrerá Vía Norte, Urzáiz, Baixada da Estación, Alfonso XIII, García Barbón, Sanjurjo Badía, a avenida de Galicia e a Senda Verde, antes de regresar ao centro comercial, onde estará situada a meta. A participación estará limitada a 1.000 corredores maiores de 17 anos.

Extras:
Máis alá da competición, a Sunset Race contará con DJ na meta, photocall e photo spot, premios por categorías, música durante o evento e avituallamento final.

Inscrición:
A inscrición ten un prezo de 10 euros e realízase na web de magmasports ou en Vialia ata as 23:59 h do 1 de setembro, ou ata esgotar os 1.000 dorsais dispoñibles. Parte da recadación será destinada á Asociación Érguete, polo que a participación permitirá tamén colaborar con esta entidade.

Os dorsais e as camisetas poderán recollerse no espazo Vigo Exporta, na planta baixa de Vialia, o venres 4 de setembro, de 16:00 a 20:00 h, e o sábado 5, de 10:00 a 14:00 e de 16:00 a 20:00 h.