O Festival Aluméame regresa á Sala Rebullón por unha boa causa: recadar e entregar alimentos ás familias de Mos que máis o precisan. O evento reúne este domingo a oito artistas sobre o escenario, con prezo simbólico de entrada de un quilo de alimentos non perecedoiros. E para quen non poida asistir e desexe colaborar coa causa, xa é se pode depositar a súa doazón de comida nun espazo habilitado no CSCD As Pedriñas.  

O Grupo de Teatro Éche o que hai achegará o humor e a reflexión propios do teatro popular,  Escolas Tangaraño exhibirán o traballo de formación en baile e música tradicional que desenvolve a asociación. Cé Orquestra Pantasma,  Avelurio, Las Pamisuky, Son do Abrente, Ondiñas do Mendo e Cantaruxas completan o cartaz.