Allo Negro chega cunha proposta que bebe da música negra das décadas dos 40, 50 e 60, especialmente do blues e do soul. A banda nace da evolución de Mulberry Blues cara á creación de temas propios en galego, combinando referencias clásicas cunha mirada contemporánea.

Formada por Isa (voz), Ernesto e Javi (guitarras), Jorge (baixo), Ramón (batería), Glen (saxo) e Pablo (trompeta), a formación presentará un repertorio no que destacan composicións propias como Branco Algodón.