A cidade prepárase para vivir unha das súas celebracións máis emblemáticas, e Casino Vigo únese á festa da Reconquista de Vigo cunha proposta que pon en valor a historia, a música e a tradición galega.

Casino Vigo acollerá a actuación especial de Os Retranqueiros, unha formación que levará ao espazo todo o espírito da cultura popular galega a través da súa música, a súa enerxía e a súa conexión coa tradición.

A presenza de Os Retranqueiros supón unha oportunidade para gozar dunha proposta artística vinculada á identidade cultural de Galicia nunha data especialmente sinalada para a cidade. A súa actuación enmárcase nunha noite pensada para celebrar a Reconquista desde o entretemento, a emoción e o orgullo polas raíces.

A Asociación Cultural Retranqueiros, con sede en Bertamiráns (Ames), é un colectivo galego fundado en 2015 e dedicado á promoción da música e da danza tradicionais. Con máis de 100 socios, a asociación reúne grupos de pandeireteiras, bailaríns e charanga, ademais de desenvolver unha labor formativa en disciplinas como requinta, gaita, acordeón, baile tradicional, percusión e mesmo bordado.

A súa traxectoria levounos a actuar en distintos puntos de Galicia, así como en Portugal, Madrid e outros escenarios internacionais, consolidándose como unha referencia na difusión da cultura tradicional galega. Entre as súas participacións máis destacadas figuran aparicións en programas como Luar e actuacións en citas culturais de relevancia, entre elas a propia Festa da Reconquista.

Con esta actuación, Casino Vigo reforza a súa aposta por ofrecer unha programación vinculada ao entorno, á cultura e ás grandes citas da cidade, sumándose a unha celebración que cada ano converte Vigo nun punto de encontro para veciños e visitantes.

A noite do 28 de marzo será, así, unha ocasión para vivir a Reconquista tamén desde Casino Vigo, nun ambiente festivo no que a música tradicional será protagonista. A entrada será gratuíta ata completar aforo. O acceso estará permitido únicamente a maiores de 18 anos e será obrigatorio presentar o DNI.