Alberto & García publicaron a finais do pasado setembro “Barro”, o seu sétimo disco (sexto de estudo), co que volven dar un paso máis ca firme e nos ofrecen unha das propostas máis sólidas deste 2025.

Un percorrido musical que, tal e como é habitual na formación, transita por diferentes camiños e influencias. Afundindo as súas raíces no pop-rock e no folclore latinoamericano, a viaxe e a paleta amplíanse a diversas sonoridades que fan deste “Barro” un disco con matices complexos pero que aposta, a pesar de todo, pola sinxeleza e por unha mensaxe contundente e directa.

A produción volve correr a cargo de Toni Brunet, que se consolida definitivamente como parte fundamental do son de Alberto & García. A gravación tivo lugar nos estudos Gaua de Fruiz (Bizkaia), Audiomatic Estudios e Fania Estudios de Madrid entre os meses de novembro de 2024 e maio de 2025. A masterización foi obra de Vicent Huma.

Ademais, no disco atopamos varios agasallos sonoros. Entre eles, a colaboración de Quique González na rockeira “Trece”, Guada na andina “Tonada del Bosque” e a participación instrumental do percusionista arxentino Martín Bruhn en varias das cancións.

O deseño e as ilustracións do disco son obra do saxofonista da banda Manuel García “El Nolas”, cuxa traxectoria pictórica segue medrando de maneira imparable (con exposicións en Los Ángeles, París, Madrid, New York, Londres, Stuttgart, Miami, Ibiza, Cidade de México, Montreal…) en colaboración co seu irmán Alberto García baixo o paraugas de La Parrocha Estudio.

Cómpre mencionar a coidadísima edición física que acompaña esta nova entrega musical do quinteto asturiano: unha edición especial en vinilo cor barro de 180 gramos e carpeta gatefold, con CD e adhesivo incluídos.

O seu anterior álbum “La Herida” supúxolles un paso importante, levándoos de xira durante dous anos con preto de cen concertos por toda España e cruzando o charco en varias ocasións nas que os asturianos visitaron diferentes cidades de México e Chile.

Entradas á venta na web da Fábrica de chocolate

Prezo: 15, 00 €