Palo Capilla chega a Vigo co seu novo espectáculo Ahora la chunga soy yo.

Un show cargado de humor sen filtros, anécdotas moi recoñecibles e moita ironía para rirse de todo… empezando por unha mesma.

Despois do último ano de xira e das clases maxistrais sobre como ser unha “chunga” enriba do escenario, impartidas en cada actuación polo seu padriño na comedia, o actor Luis Zahera, Palo Capilla fala con coñecemento dese “chunguerío” feminino: de como se pode ser moi, moi chunga e de como unha muller se pon os guantes e loita polos seus soños no día a día, convivindo con tres adolescentes en plena etapa de cambio.

A artista, o público, as situacións incómodas, a improvisación, o momento e, sobre todo, as ganas de xogar, converten este espectáculo nunha proposta fresca, chea de momentos “chungos” que apelan á memoria, cun espazo reservado para a non censura e a interacción directa co público.

Entradas desde 12,00 € en Ticketrona